HLEN SUOK NGEI DING

HLEN SUOK NGEI DING

---

✍🏻VL Thuama

Piellei hluo dingin,
Siemtu’n Hringnau hai a ruot;
Piellei hluotu ei ni tah,
Piellei hluotu ṭha ni chu ei mawphurna,
Hlen suok ngei dingin.

Chunglêng vate leh ramsa hai,
Enkawltu sinthaw dingin
Mawphurna pêk ei nih;
Suk chimit el lovin duottaka enkawl hi ei mawphurna,
Hlen suok ngei ding anih.

Hringnau hai châwm tu dingin,
Tui hnâr ṭha pêk ei nih,
Chu chu thilthlâwnpêk anih;
Enkawl sin chu nang le kei mawphurna,
Hlen suok ngei dingin.

Chunglêng vate leh Ramsa hai ta dingin,
Thing le ruo pêk annih;
Ei ta dinga boruok ṭha siemtu annih,
Enkawl sin chu ei mawphurna,
Hlen suok ngei dingin.

Hnam pêk ei nih,
Inlungruolna ṭha lem nei thei na dingin;
Hnam chawimawi thiem thiem mi var annih,
Hnam chawisâng chu ei mawphurna anih:
Hlen suok ngei dingin.

Hnam dang hmusit lovin,
Mani hnam ngaisang siin;
Ke pên ei tiu hringnau hai inlungruol na dingin,
Chu chu nang le kei mawphurna anih,
Hlen suok ngei dingin.

Vanglai nun pêk einih,
Chau hai keiṭhuoi tu dingin;
Hrât naw hai sawmdâwl chu
ei mawphurna anih,
Hlen suok ngei dingin.

---

Composed by : VL Thuama Vaiphei

and

Translated by Himself