KAN VANGKHUA KHA

*KAN VANGKHUA KHA*

By: VL Thuama


Kei hi Manipur Vangai tlanga piang leh seilian ka nia,chu mi hmun chu hmun nuam tak ani ti ila a sual kher lovang,Chu hmuna ka thil tawn te kha ka ngaihtuah lêt châng hian ka lung a lêng rum rum tawh mai ani,

Engpawh chu nise i sawi tla nghal hmiah hmiah ang u aw.


Manipur Churachandpur district (tunah chuan Pherzawl district ani tawh) chhung Tipaimukh Constituency huam chhung Vangai thlâng dung a awm kan nia,Khawte tak mai thingtlâng tak mai a piang leh khawsa niin kan eizawnna pawh a rorum vah vah hle a,Mausat a eizawngin chhungkua kan châwm ani ber mai,Khatih hunlai khan mau tlâwn khat tawng 15 a sei hi a rate a ṭhat lai takin chêng 4 vêl ania,Nikhata pum 50 te kan sât deuh ber ṭhin,Regular tal kha chuan sât thei ilangin nuam deuh tûr kha ania,Ala regular lo zui leh nghala, A latu te khân an duh khirh hle a,A mangan thlâk ṭhin hle mai.

Mahse maw,
A khua kha anuam in a boruak a thianghlim a,A chheh velah chuan ngawpui a la awm rêng tho ani,Khaw chhung aṭanga kilometer chenve velah hian mauhâk kan neia,Chu mauhâk a thing leh mau te chu in sa tûr zawng ten an la mai ṭhin, Mauhâk a thing leh mau chu insak na tûr anih loh chuan tumah in lâk phal anilova,Thing tûr tak ngial pâwn phurh phal anilo.

Kan khaw chhung chu tui in a hual vela,Chhuah lamah tuikhur leh Mausat lui a awma, Tlâk lamah tuiruang a awm bawka,Hmar lamah Zei lui awmin, Chhim lamah pawh lui tamtak awm in tuiah kan hniang hnar ṭha hle,

Luiah te chuan Sangha kan man ṭhina,Chumi area a sangha tui na ber pâwl aniang,Sangha man tûrin khawdang aṭang pawn an rawn kal ṭhin,Lui kawr te pawh chhiar sen loh deuh thaw hian a tam a,Chakai te chu duh zah zah man tûr a awm ani,kan hralh ngai lova,Ṭhen awm te kan chhuah ve ṭhin.


Fûr ah hian vaihmite leh thosi a tam êm êm a,Nin awm khawpin an tama,A lum êm êm leh nghal bawka, thosilen (saree thosilen) hnuaia mut a ngai a,(sawrkar in an sem ang ah hi chuan vaihmite an lût thei a kan zâr ngai lo) hreawm tak chu ani,Ram han kal ila vangvawt tam zia chu duhthusam ania,Mahse kan hmeichhia te pawh khan hlauhna châng an hrelo.
Kan khaw chhehvêl ah chuan Vahui sih leh Bâk puk a awma,Bâk pûk chu hmu duh an tam hle na chungin kalkawng a harsat êm avângin hmu tu leh tlawhtu an tlêm hle thung.


Kristmas a hnai tial tiala,Boruak a nuam telh telh a,Kristmas a rawn tlen meuh chuan Nu nau hlimin an lâwm êm êm ṭhin, Zaikhawm a nuam thei hlea, Tlaivar hmel kan hre ngai meuh lo, Tar ten nula tlangvâl te cho nân an hmanga Nula tlangval te lah an tlâwm duh bik hauh lo,Zai tlaivar chu a ni deuh ngar ngar mai ani;Kohran pakhat chiah awm kan nih avang hian inthurual a awlsam bika,Thiltih nikhûaah pawh a nuam thei hle.

Zirna lamah skul ṭha a awm loh avângin khawdanga skul kan kal ṭhina,Zirna lamah rual awh ana thei hle mai, Sawrkar skul awm ve mahse thawktu te an awm lo thunga,An aiawhin mi pakhat an la a,Buai tlâk tak chu ani.

Kan VANGKHUA tak kha chu aw.