HINKHO DIARY

Min leh Sapchuom leh nam vang keiin ka hêt leh a hun a ngai hi tiu.

Ze hi keidin ki chik tâk tak khat chu hinah,Kum 2019 kum khan WhatsApp group khata min se dik dek le mite’n bangmah lo cha a ei muh na ding uh thu zik khat aki post kieu kieu mai zienga, Ze thu post chu ahih leh Sapchuom danga ka ki châwn ding thuu ahi..Mahvang Belamno that ding kuona a kam le a kâk lo bang in um zo lo mah leng ka thip san liem mai mai zieng ta a,Tuni hi October Ni 25 2021 ahi ta a,Ti chan hin ze sapchuom a chun ka um zing nalai ahi,

Kum 2020-2021 (October to October) hi khanglai Secy na ka na tu deih huoi zaw sêt nalai hi,
Zetia Whatsapp Group Sapchuom leh Department in Official a a pawm loh na Group ua sapchuom thil hung ki he he chu a buoi um deuh a ngaiin Khanglai chun Ka ngaihtuoh tau a,Mahvang ka thupûk nau chu WhatsApp group neih nailoh ahi,

Mahvang Ze group chu mimal etkawlna nuoi a chieh zêlin,A group ua chun ei hung add ve ta mai ua,Ze Group Description a chun khuti hin a ki zik hi- “Zie Group hi Official ahi puoa,Sapchuomin a gêla a siem le ahi puoi,Mimal phatchuom ngaihna a siem ahih,Chanchin iki hetpawh beihlam na ding chauh in,” tin Group Description aki zik kulh maia,

Ze Description dungzui chun ken le group a chun thu ka post sek a, Tâwt thu leh Pathien Thu ka post tâng pi in ka hei,Ka um sung nana na khan chu
Kei sanga Pathien Thu Post tam di le a um khel ding um,

Mahvang, Tuni hin kei din kichik tâk tak mai thu a hung tung ta a,Zingkal dak 8 leh minute 35 hin Facebook ka vak lut leh Notification 65 lam hiel ana um a,Ka vak mêk leh Mikhat hin ka photo leh ka thu zik haw chu ana like suk zieng ta a,A min chu simsuk kham sêt ahi,Kuo ei ta mawnga ahi tin A profile picture ka vak et leh amin chu ka hêt khâk ahin,Amel vâng ka he buoi neng nung zieng hi,Ka vak tawl suk leh ka hah hetkhak tak luot zieng ka sapchuom Puitu pa’u Zinu a hi chuh, keile um mawh tak khat chu ka hih ziekin A lim chu ka screenshot a,Dak 8.41 in Zie WhatsApp Group a chu ka vak thaka “Kuo ahih na he khau u” ka vak tih leh, Private message chu 8.50 hin a hung lût a, “Tukhel Ka limlak hi tâwt bawlna’n mang kit ta kih” tih sânga na zaw deuh met hin a hung thâka, ken vang ka reply ta puoi,

Dâk 10.54 hin Ze Group siem tu pa chun “Sapchuom thu tawh ki zawitâwn lo haw hi sim hi guoi tiu” tih leh a zinu phone a pat in ei hung remove a thuoh a,

A dik tak chun Kei khela Pathien Thu post sek kha khat le a um puou hih,
Amau haw hung post sek chu mi zik sa forward kha kâlkhata khatvei bang a hung suon lut pha ding um,,

Ze chu ka gen nawp pên leh ka ki chik na ziek chu ahi puoi,

Chi le nam ki bat loh zieka ki muhsitna leh ki tawh denna a ka lunggil chun a pawm chauh hilo in a puok a a puok a hi tai,

Ze masang a hin le chi le nam a ho na tamtak ka na tuok kha ta a,Mahleh Ka thip san sek zienga,Tuni hi vâng a kam a gên thawh hilovin a thu ngeiin a su chien tau maw?


Kei vang panpih tu neilovin keu inkuon bep ka hiu a,Amau vang a bawn a gam un namkhat a hi ngal ua,

Bang dinga um hãm hâm ka him?

Sapchuom thu ala thâklah di bangmah um lo hih.

A bawl thei lo zaw te ei muhsit sangin a bawlthei zaw deuh te hin ei musit leu le nuom deuh di a,
Ken vâng a double a muhsit na ka thawk a hi mai ta hi.

Aw ka tha Tho halhin.