Khua tuah lo di

*KHUA TUAH LO DI😒*


*_VL Thuama_*

💔

Chung chhawrthla êng siusiau hnuaiah,
Tu dang lêng dang reng ngailo in;
Laitual kan lêngah:
Chhing dang ṭang dang bel lova damchhunga lêndun reng tûr tiin,
Biahthu nau-ang kan lo tiam dun a,
Mahse tunah erawh ṭhenna ni kâwl a lo êng ta mai maw.

Takchang lo hmangaih na, ngaihloh vang pawh nilo,
Duhloh vang ani bawk hek lo,
Khuanu ruat loh vâng ani zâwk e.
A rem tawh lo,
Min ngaithiam la; damtakin liam mai tawh rawh,
Damtakin vawikhat mangṭha ka duatlai ênchimlohte.

A chângleh chhingmit thlâa a lang ṭhin,
Hmangaih taka chawnban vuan a,
Nang ini ka hmangaih tak tia ka ṭangnema i belh lai te;
Biahthu hruihrual anga kan sut lai ni te kha,
Hmânlai biahthu a chang zo ta mai maw?

Inkawp a rem tawh lo,
Mahse ka duhsakna sang ber ka hlan a che.
I hawina apiangah Chung khuanu’n awm pui in vêng mawlh che rawh se,
Vanneihna Malsawmna famkim nen nuam takin hringnun nuam tak rawn hmang la,
I tana khuanu ruat ngei chu i rawn tawng ve ngei ang.

Mangṭha ṭha leh

(I hringnun ti buai tu leh;
I nunna a tan mi hnawk sak ka nih tawh mai hi,
Ka inthiam loh khawp mai,
Min ngaidam hrâm dawn nia.)