THUTHLUNG THAR THUHMA

[28/09, 6:46 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: *HRIET VE DING A ṬHA*

*Chanchin Ṭha ziek thuhma* le Tirko Paula Lekhathawn hai Thuhma,
(a) Chanchin Ṭha Matthai
(b) Chanchin Ṭha Marka
(c) Chanchin Ṭha Luka
(d) Chanchin Ṭha Johan

*_VL Thuama on 28 Sept 21,1.37 pm_*

*CHANCHINṬHA MATTHAI*

Matthai hi Apostolhai laia mi kha a na,Levi an ti bawk hlak,Juda mi ana,Kapernaum khuoa siedawltu anih.

Matthai hin Isu chu Lal le Sandamtu pêk tiem ngei kha anizie Judahai hriet thiem dân ding ang takin a hrila; Chun Abraham thla,David thla anizie le Thuthlung Hluiin alo hril hai chu ama hin a hung sukdik ngeizie a târlang bawk,Lal chanchin ani leiin *“Lal ram”* a hril uor êm êm a,Matthai chovin “ropuina Lalṭhungpha”a hril bawk.(19.28;25:31)

Matthai hin Juda ramah kum 15 lai Chanchinṭha a hril hnungin Ethiopia le ram dang dangah Chanchin Ṭha hrilin anzin ti anih.

Matthai hming umzie hi Pathien thiltlawnpek tina anih; A ziekna hmun hi Palestina annawleh Suria anthawka a ziek ni dinga ring anih.
Matthai hi Bible a bu 40 na ni in,a sunga bung 28 a um a,Châng 1071 a um bawk,
A thu chabi -“Isu hi Lal anih”
A bung chabi – bung 12
A châng chabi- 16.16-19 le 28.18-20.

*CHANCHINṬHA MARKA*

Chanchin Ṭha Marka ziektu hi Johan Marka ana,ama hi Jerusalem khawmi anih, Anu hi Mari ana (Thil:12.12),A pa ruok chu ei hriet thei nawh, Jerusalem a In lien tak a neia, chutaka chun ringtu hmasahai an in pâwl khawm hlak,Barnabas tupa anih,(Kol:4.10),

Ama hin Paula inzin vawi khatna kha a zui ve a, Nisienlakhawm,Pamphulia ramah a kîrsan,(Thil: 15.38), Peter leh ṭhataka in hre hlak annih,Peterin ka Naupa Mark tiin a ko hiel anih (1 Pet 5.13), Chuleiin a Chanchinṭha ziek khawm hi Peterin a hril dân anga a ziek ni dingin an ring.

Ama hi Marcus (Latin) khawmin hriet ania,Juda hai lai chu a Hebrai hming Johan tia hriet lar anih,(Thil:12.12,25 le 15.37),Marka hi Gethsenani huona khan tlangval pakhat tin an hril,

ChanchinṬha Marka hin Isu chu Mihriem Naupa Pathien Siehlaw le Rawngbâwltu ani zie feltakin a suklang,Marka hin a Chanchinṭha hi Jentail hai hriet thiem zâwng dinga a ziek anih.

Marka hi Bible a bu 41 na niin,Bung 16 a uma,Châng 678 a um bawk,
A thu chabi: Isu suok ani na.
A bung chabi: bung 8
A châng chabi: 10.43 le 8.34,37.

*CHANCHIN ṬHA LUKA*

Chanchin Ṭha Luka ziek hi Dr.Luka in Theophil kuoma a ziek ni a hriet anih.(Lk 1.3),Thilthawhai leh a ziek anih, Chanchinṭha Luka hi Chanchin Ṭha hai lai a sei tak anih,Mihriem Naupa Isu Krista Chanchin le a hringnun,an ngaitlawmna le a Thilthaw hai lakhawm in ama hi sungkuo daktawr anga ditsakna insangtak leh hi lekha hi a ziek anih an tih.

Isu hi Israel le mi po po ta dinga Sandamtu pêk tiem chu ani ngei zie a hrilin a thlatu khawm Adam chenin a sui,Ahril uor tak chu Isu thlatu bul, a pienna,a hringnun a sinthaw tir anthawk a dawt dawtin a rem,

Hi Chanchin Ṭha hi Jentail hai ta dinga a ziek anih antih (BSI),
Hi ChanchinṬha hi Grik mi hai hriet thiem zawng dingin, Krista Mihriemna târlang bikin a um.(BFW).

Dr. Luka hi Thuthlung Thar a vawi 3 an lang, (Kol.4.14; 2 Tim 4.11;Philimon 24)

Chanchin Ṭha Luka hi Bible a bu 43 na ana, a sunga hin bung 24 a uma,Châng 1151 a um bawk,
A thu chabi: Isu Mihriem nina
A bung chabi:- bung 15
A châng chabi: 1.3,4 le 19.10

*CHANCHIN ṬHA JOHAN*

Chanchin Ṭha Johan ziek hin Isu chu a tira inthawka Pathien Thu,tisaa hung inchanga,Eini laia hung um a nizie hrilin,A Pathien na a târlang.
A ziektu hi Jebedai naupa Johan anih.
A ziekna san “Isu Krista Pathien Naupa anih ti inring na ding le,inring a a hminga hringna in neina dinga ziek anih(20.31).

Isu chu Chatuon Pa,tisaa inchang ani dân a hril zo in,Sandamtu tiem ani ngei zie târlang na dingin thilmak dang dang hrilin a um, Johan hin Chatuon hringna,ama chu Lampui,Thutak le Hringna ani dan a hril.

Hi Gospel hi Thlarau tieng Gospel an ti hlaka,Nitina thil mamaw hai entirna’n a hmanga,Chuong hai chu Tui,Bei,Var,Beram,Grep hrui,Beram vengtu,Grep ra. Etc.

Chanchin Ṭha Johan hi Bible a bu 43 na ni in,Bung 21 a uma,Châng 879 a um bawk,
A thu chabi: Isu chu Pathien Naupa anih.
A bung chabi: Bung 3
Thu laimu tak: 3:16
Châng chabi: 1.11-13 le 20.30,31
[28/09, 7:11 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: Tirko Thilthawhai hi Chanchin Ṭha Luka ziek sunzawmna anih (1.1), A.D 62 vel a ziek ni dinga ring anih. Krista kohran a hung inṭan dân ziekna Bible a hin ama cho hi ani leiin a pawimaw êm êm, Isu thuhril nuhnung “Thupek len” Chuongchun Jerusalem a dâm,Judai le Samari ram khawtin a dâm kawlkawdawng chenin ka thu hretuhai ning in tih” ti anih,(1.8).

Thilthawhai lekhabu hi nuhmei nileh pasal nileh hi Thupek len titaktaka pawma,thonawk Sandamtu Chanchin hi ram kilkawi tak a khawm phuongdar hai chanchin anih.
A bung inṭhe dungzuiin ami hai khawm an dang seng,A mihring hai Chanchin Ṭha phuongdarna ah nina puol bik an nei seng (1-7;8-12;13-28),
Hmun tamtaka chun Apostle hai hi a hlawm in an hril a,hi taka hin a hril tak chu Peter sinthaw (1-12) le Paul Sinthaw (13-28) anih.

Thilthawhai hi Bible a bu 44 na ana,bung 28 um in,Châng 1007 a um bawk,
A thu chabi: Kohran inṭhang dân,
A bung chabi: bung 2 , Pentecost ni a Thlarau Thienghlim hung tlungna,
A châng chabi : 1.8 & 2.42,47
[28/09, 7:21 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: Rom mihai kuoma Paula lekhathawn hi Korinth khuoa inthawka ziek ana,Rom khuoa kohran hai a sir theina ding remchâng zawngna lekha anih, va sir a tum leia lo inring lâwk hmasa dinga inhriettir lâwk na anih.
A thiltum tak chu Hunsawt nawte anni laia rawngbâwl a nuom a,Chun annihai ṭhangpuina zâra Spain ram tieng fe a beisei bawk anih.

Hi lekhathawn hin Kristien ringna umzie le chu ringna chu Kristien hai hringna a ân langsuok dân a hrilfie anih, Chun,Isu Krista ringna leia Sandamna le thiemchanhna thu a hril uor ém ém,

Rom lekhathawn hi Bible a bu 45 na niin,A sunga Bung 16 a um a,Chàng 437(BSI) 433(BFW) a um bawk anih,
A thu chabi : Pathien felna
A bung chabi : 6-8
A chàng chabi : 1.16,17
[28/09, 7:37 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: Korinth mihai kuoma Paula lekhathawn Pakhatna hi Ephesi khuoa inthawka ziek ana,Hi khaw kohran hi Kristien nun um dàn ding le ringna thuah buoina a um leia ziek anih,An buoina tlàngpui deu deu hai chu; inṭhedarna dâm,inneima thu dâm,Inthawina sa fak dâm,Thlarau thilpek dâm,Lalpa zan bi dâm le Taksa thonâwk na thu dâm,Kohran invawng dân thu dam ani deu taka,Paula’n chuonghai chu Chanchin Ṭha a inthawk in Unau hai angin a hrilfie anih.

Hieng hun lai hin Korinth hi Akaia biela khawpui tak anih, Grik hai sumdawngna hmun pui anih, Sumdâwng na thu a dâm, nun dân chapo an neina thu a dâm,nuhmei pasal a ansuol na lei dâm le sakhuo chi tum tum an hauna thu a dâm Korinth khaw hming hi an thang hle,

Korinth lekhathawn pakhatna hi Bible a bu 46 na ania,Bung 16 a uma, Châng 437 a um bawk,
A thu chabi : Kohran le mimal Kristien hringnun
A bung chabi : bung 13 “Hmangaina” (chu chu Pathien thilpek lai po poa hlutak anih”
A châng chabi : 6.19
[28/09, 8:06 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: *KORINTH MIHAI KUOMA TIRKO PAULA LEKHATHAWN PAHNINAA*

Korinth mihai kuoma Tirko Paula lekhathawn pahnina hi Makedonia ram,Philipi khuoa inthawka ziek ana,Korinth kohran le Paula inkara inhriet thiemnawna ṭhenkhat a um laia Paula’n a ziek anih.Korinth khuoa ṭhenkhatin Paula hi nasatakin an sawisêla, Nisienlakhawm Paula chun anni le inrem anuom êm êm a,chu an hung inrem hnung chun Paula’n lawmthu nasatakin a hril anih,An sawisêlna thua hin Paula jn nasatakin kâwkna a lo nei ta khawm ni awm anih; Nisienlakhawm,chu chun simna le inremna an tlun leiin a lâwm anih.

Chun Kohran hai chu Juda rama Kristien hai tlâksamna phuhrukna dinga phaltaka thawlâwm pe dingin ngênna aneia,Chun, Krista Isu tirko indiktak ani zie feltakin a tarlang bawk,

Korinth mihai kuoma Tirko Paula Lekhathawn Pahnina hi Bible a bu 47na ania,Bung 13 a uma,Châng 257 a um bawk,
A thu chabi : Paula’n a sinthaw le Tirko anina a thuneina a tarlang
A bung chabi : bung 8,9
A châng chabi : 4 5,6; 5.17,19
[28/09, 8:20 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: *GALATI KHUOA MIHAI KUOMA PAULA LEKHATHAWN*

Galati hi Asia Minor a Rome rorelna hnuoia um a nia,A ram mi takhai chu Prugia mi an na, ei pi le pu hai anga thing le lung pathiena be mi annih,Hi Jentail rama hin Kristien iemani zât an hung um ta leiin Juda Kristien um sun hai chun Mosie dân le Sertan thuthlung zâwm silo chun Jentail hai chu Pathien leh inrem thei naw nihai tiin inchuktirna indiklo siem in Jentail hai khawmin Mosie dân le sertan thu pêk sn zâwm ngei an phut a,Paula ngei khawm an kala,Paula ruok chun ân chuktirna le Jentail Tirko anina chu huoi taka hrilin,Pathien le inremna chu Isu Krista ei ringna leia hung um ani thu chiengtakin a hril,

Hi lekhathawn hi hieng anga ringna indiklo le nundan indiklo a ṭhuoi hmanga um chu rungdân le nun dân indika ṭhuoi nawk na ding a a ziek anih.

Galati lekhathawn hi Bible a bu 48 na ana,bung 6 a um a,Châng 149 a um bawk,
A thu chabi :Dâna inthawka zalenna,
A bung chabi : bung 5
A châng chabu :2.20,21
[29/09, 7:42 am] ᴠʟ ᴛʜᴜᴀᴍᴀ ᴠᴀɪᴩʜᴇɪ: *ACT OF THE APOSTLE*

*_VL Thuama Vaiphei_*

Tirko thilthaw hi Chanchin Ṭha Luka ziek sunzawmna anih (1.1), A.D 62 vel a ziek ni dinga ring anih. Krista kohran a hung inṭan dân ziekna Bible a hin ama cho hi ani leiin a pawimaw êm êm, Isu thuhril nuhnung “Thupek len” Chuongchun Jerusalem a dâm,Judai le Samari ram khawtin a dâm kawlkawdawng chenin ka thu hretuhai ning in tih” ti anih,(1.8).

Thilthawhai lekhabu hi nuhmei nileh pasal nileh hi Thupek len titaktaka pawma,thonawk Sandamtu Chanchin hi ram kilkawi tak a khawm phuongdar hai chanchin anih.
A bung inṭhe dungzuiin ami hai khawm an dang seng,A mihring hai Chanchin Ṭha phuongdarna ah nina puol bik an nei seng (1-7;8-12;13-28),
Hmun tamtaka chun Apostle hai hi a hlawm in an hril a,hi taka hin a hril tak chu Peter sinthaw (1-12) le Paul Sinthaw (13-28) anih.

Thilthawhai hi Bible a bu 44 na ana,bung 28 um in,Châng 1007 a um bawk,
A thu chabi: Kohran inṭhang dân,
A bung chabi: bung 2 , Pentecost ni a Thlarau Thienghlim hung tlungna,
A châng chabi : 1.8 & 2.42,47
[29/09, 10:22 am] ᴠʟ ᴛʜᴜᴀᴍᴀ ᴠᴀɪᴩʜᴇɪ: *EPHESI KHUOA MIHAI KUOMA PAULA LEKHATHAWN*

Ephesi mihai kuoma Tirko Paula lekhathans hi Rom khuoa,lungin a inthawka a ziek na,Ama ruol jin Kolossa le Philimon khawm a ziek a,Tukik a hung inchawi tir tawl anih.

Ephesi hi Asia Minor a khawpui pakhat anih,Hi khuoa hin Huda Kristien le Jentail Kristien an um ve vea,Inṭhe hmabâk zinga um annih,Chulleiin,Pumkhata ṭhataka an um theina dungin hi lekhathawn hi Paulain a ziek anih.

Iengkim vana um hai le hnuoia um hai khawm – Krista a fâwkkhâwm le inpumkhat hi a thuoui anih(1.10),Chuonganga inpumkhat dân ṭha chu awlsamtaka hriet ani theina dingin hieng hai hi in entirna dingin a hmang anih.
1) Kohran chu taksa ana,Krista chu lu anih.
2)Kohran chu in ana,Krista chu a kia lungpawimaw chu anih.
3)Kohran chu nuhmei ana, Krista chu a pasal anih,
Chun,Pathien kunginsietna lei chovin Krista le inpumkhat theina ei neia,Chu khawm chu Krista hmangaina ei aia ân pêkna, a lunginsietna le ngaidamna lei chauva hung um anih,

Ephesi lekhabu hi Bible a bu 49 na niin,Bung 6 a um a,châng 155 a um bawk,
A thu chabi: Krista taksa tungdingna
A bung chabi : Bung 6
A châng chabi : 2.8-10
[30/09, 4:24 pm] ᴠʟ ᴛʜᴜᴀᴍᴀ ᴠᴀɪᴩʜᴇɪ: *PHILIPI KHUOA MIHAI KUOMA PAULA LEKHATHAWN*

Philipi hi Europe rama Makedonia biela khuo Pakhat ana,Chun, Philipi kohran hi Europe rama Paulain kohran a iphun hmasatak anih.
Hi lekhathawn hi Rome khaw lungina inthawka a ziek ana,Philipi lungina an tang laia nasataka ama a sinthawtu khan Rom lungina khawm lawmna a pek zing thu le Philipi Kohran chunga lawmna thu a ziek ani tak, Chun Inchuktirna indikloin Philipi kohrana sin athaw mêka, Kohran lai ama kaltu pâwl khawm an um bawk, Nisienlakhawm,Pathiena ringna hrattak neiin Pathiena a lawm pei anih.

Paula in hi lekhathawn a ziek nasan pakhat chu Philipi kohran haiin thilpêk an thawn thu a lawmthu hril anuom lei anih a,Chun kohran hai chu huoi taka um a,Krista inngaitlâwmna puta,puitling tieng pan pei dinga infui anuom bawk lei anih.
Hi lekhathawn hin hlimna dâm,Pathien ringzo na dâm,Inpumkhatna dâm,Ringna kawnga tuorselna dâm a hril uor êm êm,Paulain Philipi kohranhai a hmangai nasat zie ei hmu bawk.

Philipi kuoma Paula lekhathawn hi Bible a bu 50 na niin,Bung 4 a uma,Châng 104 a um bawk,
A thu chabi : Hring hi Krista anih.
A bung chabi : Bung 2
A châng chabi : 1.21; 4.12.