LUNGLÊN POST

*VL Thuama*

_Lunglên Update_

Chungchhawrthla hian kei zawng ka lung minlên tak zet ani,
Aw ka lenrual duhtakte u;
Ariang ka chan hi min dâwn pui ve ula,
Ariang di ngaih lunglên hian tawrh thiam har avan ti teh lul êm.

Aw ka pan lai lenrual te u,
Perhkhuang ṭingṭang remin;
Zaihla min awi pui ula,
Ariang lunglên a bang deuh mahna.

Chung siâr sensiar ten,
Di ngaih an ti zual ṭhin;
Theih nihse chungmu iang thlâwk ka nuam e,
Ka di lênna vangkhua tual zawlah,
Fan ka nuam ngei e.

Lunglên mittui a fâr bang thei lo,
Ka di ngaih mittui,;
Aw chhawrthlapui liam zâi rêl tawh mai la,
Aw chung siâr kiang zâi rêl tawh mai ta che:
Ariang di ngaih lunglên,
kei ka tan zawng tawrh a har ém ani.

_September Fullmoon night 2015_